eseu

Epeka ordaintzea: Zabor-tasa

Zaborra biltzeagatik ordaindu beharreko tasa epetan ordaintzea eskatzea, bi, hiru, sei, zazpi edo bederatzi epetan, zehazki, eta interesik gabe. Betiere, 4.000 eurotik beherako ordainagiriak badira.

  • Ordainagiria banku konturen batean helbideratzea.
  • Zatikatutako azken kuota ordaindu arte ez dago helbideratze-kontua ezeztatzerik.
  • Kuota bat ordaindu gabe gelditzen bada epeak ezeztatu egiten dira, eta zorra betearazte-aldira pasako da. Zor guztia ordaindu behar da, eta ez dago epeka ordaintzeko beste eskabiderik egiterik epe bererako.

Urte osoan irekita.

9 kuotatan ordaintzeko, apirilaren 20a baino lehen eskatu behar da; 2, 3, 6 eta 7 kuotatan ordaintzeko, ekainaren 20a baino lehen. Data horren ondoren aurkezten baduzu eskaera, hurrengo urtean hasiko zara epetan ordaintzen.

  • Kutxa edo banketxe bidez ordaintzeko kontu korrontearen edo aurrezki libretaren zenbakia beren beregi adierazten duen agiria.
  • Identifikazio agiria (IFK, NAN, AIZ, pasaportea...).

  • *Telefono bidez eskatu dezakezu epeka ordaintzea (010 edo 945 16 11 00), baldin eta Udalaren datu basean aldez aurretik jasota badago ordainagiria helbideratu nahi den kontu-zenbakia.

  • Noiz kobratzen dira kuotak:

    • 2 kuota: maiatzaren 30ean eta abuztuaren 30ean

    • 3 kuota: maiatzaren 30ean, uztailaren 30ean eta irailaren 30ean.

    • 6 kuota: maiatzaren 30ean, ekainaren 28an, uztailaren 30ean, abuztuaren 30ean, irailaren 30ean eta urriaren 30ean.

    • 7 kuota: maiatzaren 30ean, ekainaren 28an, uztailaren 30ean, abuztuaren 30ean, irailaren 30ean eta azaroaren 29an.

    • 9 kuota: apirilaren 30ean, maiatzaren 30ean, ekainaren 28an, uztailaren 30ean, abuztuaren 30ean, irailaren 30ean, azaroaren 29an eta abenduaren 30ean.
       

  • Prozeduraren xehetasun gehiago ezagutzeko, kontsultatu ondorengo ordenantza fiskala: "0 Zergen eta Zuzenbide Publikoko Bestelako Diru-Sarrera Lokalen Kudeaketa, Bilketa eta Ikuskaritzari Buruzko Ordenantza Orokorra", Ordenantza Fiskalen orrialdean.

Ondasunaren titularra izango da beti zaborra biltzeagatik ordaindu beharreko tasaren titularra, beraz, Ondasun Higiezinen gaineko Zergan, kontribuzioan edo katastroan titular gisa ageri den pertsonari bidaliko zaio ordainagiria. Hala ere, beste pertsona baten banku kontuan helbideratu daiteke, maizterraren izenean esaterako, hark baimentzen badu.

Higiezinen katastroan "Egituran dagoen lokala" katastroko erabilerarekin kalifikatuta agertzen diren lokalek % 50eko hobaria izango dute merkataritza, bulego eta irakaskuntzako tarifetarako ezarritako zabor-tasaren kuotan. Hobaria zuzenean aplikatuko da, eskaerarik aurkeztu beharrik gabe.

Zabor tasan ezin da baja eman, hori arautzen duen zerga ordenantzaren arabera, higiezina kokatuta dagoen lekuan zaborrak biltzeko udal zerbitzua ezarrita eta funtzionamenduan dagoelarik zerbitzua eskaintzen dela jotzen baita, partikularrak edo enpresak zerbitzua erabiltzen ez badute ere. 

Tasa sortzen den egunean (eskatu daitekeen egunean), hots, urtarrilaren 1ean, aretoan jarduerarik ez bada, merkataritza areto, bulego eta irakaskuntza-lekuei dagokien tasa ezarriko zaio, aretoaren azaleraren arabera.

Bai. Tasa urtero ordaindu beharrekoa da, eta urtarrilaren 1ean igortzen zaio jabeari. Gainera, ordainagiria ezin da hainbanatu.

Bai. Zaborrak biltzeko zerbitzua orokorra eta nahitaez hartu beharrekoa da; hortaz, eremuan dauden higiezinen jabe eta erabiltzaileek erabiltzen dutela ulertuko da, etxebizitzak, egoitzak, eskolak, establezimenduak eta abar nahiz industria jarduera bat egiten den edo egin daitekeen lokalak izan.

Urtarrilaren 1ean sortzen da tasa, alegia, egun horretatik aurrera eska daiteke, beraz, negozioaren titularra Jarduera Ekonomikoen gaineko Zergan baja emanda badago egun horretan, jabeak beste tarifa bati dagokion zabor tasa ordaindu beharko du, erabilera ezberdina baita. Alegia, lehen elikadura jarduerari zegokiona ordaintzen zuen, eta orain merkataritza areto, bulego eta irakaskuntza-lekuei dagokiena ordaindu beharko du, azaleraren arabera.

Tasaren kuota urtekoa da; higiezinaren erabilera eta azalera kontuan hartuz zehazten dira tarifak.

Jabetzan edo alokairuan 120 metro koadrotik gorako etxebizitza duten familia ugariek hobaria eska dezakete zabor tasan. Etxebizitzaren azaleraren arabera dagokion tartearen azpitik dagoen tarteari dagokion kuota ordainduko dute kasu horretan.

Tasa horri dagozkion hobariak uztailaren 29ra arte eska daitezke.

Hobarien eskabideak bide hauek erabiliz aurkez daitezke:

Hobariek ez dute atzera eraginik.

Udalak eraikina erortzeko zorian dagoela aitortu badu, etxebizitzaren hondamen-egoera deklaratu eta hurrengo urtean zabor tasa ordaintzetik salbuetsita egongo da.

Ordaintzeko bideak kontsultatu.

Informazio gehiago

Saila: Ogasuna

Zerbitzua: Diru-Bilketa

Tramiteari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke.

Vitoria-Gasteizko Udalaren Logoa

Espainia plaza 1, 01001 Vitoria-Gasteiz

010 (+34 945 16 11 00)

informacion@vitoria-gasteiz.org

© Ayuntamiento de Vitoria-Gasteiz / Vitoria-Gasteizko Udala.