Gaztainak saltzeko postua instalatzeko eskaera

• Gaztainak saltzeko postuak jartzeko eskabide-orria

• Eskabide-inprimakian, adierazi non jarri nahi duzun postua. Ikusi saltokiak jartzeko planoa. Ikusi kokapen berria Salburuko planoan
• Baimena eskatzen duen pertsonaren nortasun-agiriaren fotokopia, edo Europar Batasunaz kanpokoen kasuan, lan-baimena eta egoitza-baimena indarrean direlarik, eta atzerritarren arloan legeak dioenarekin bat etorriz.
• Pertsona juridikoen kasuan, eratze eskrituren fotokopia; eskatzailearen ordezkatze ahalmena jasotzen duen agiria eta Identifikazio Fiskalerako txartelaren fotokopia.
• Kioskoaren edo ibilgailuaren agiri teknikoak eta argazkiak.
• Halakorik baldin bada, indarrean dagoen osasun-baimena edo osasun erregistro zenbakia.

Eskabideak balioesteko eta lehentasuna emateko dokumentazioa

• Ekonomia Jardueraren Gaineko Zergaren (EJZ) agiria.
• Lan-bizitzaren egiaztagiria, eskatzailearen izenean emana, egunretatuta.
• Soldatapeko langilerik ez badu, azken hilabeteko autonomo ordainketaren ordainagiria eta enpresaburuaren jarduera-ezaren egiaztagiria.
• Soldatapeko langileak izanez gero: TC2 edo azken hilabeteko langileen zerrenda izenduna.
• Erraz birziklatzeko materialen erabilera sustatzeko hartutako neurriak.
• Gasteizko Udalarekin inolako zorrik ez izateko baldintza bete beharko da (ofizioz egiaztatuko da) lizentzia lortu ahal izateko.

Esleipendun gertatuz gero, nahitaezko dokumentazioa

Esleipendun suertatuz gero, honako agiriak aurkeztu beharko dituzte eskatzaileek:

• Azokan zehar, berorren ondorioz kalte-galerarik sortuko balitz ere, horiek estaliko dituen erantzukizun zibileko aseguruaren ordainagiria eta poliza bera.
• Titularraren argazkia, agiri tamainakoak.
• Saltzaileek elikadura-higienearen arloan jasotako prestakuntza egiaztatzen duen agiria.
• Titularrari dagozkion Gizarte Segurantzako azken ordainagirien fotokopiak, edo dagokion Gizarte Segurantzaren erregimenean alta emanda egotearena.

Epe berean, tasa eta fidantza ordaindu behar dira, oinarrietan adierazitako moduetan.

Gasteizko Udalak ofizioz egiaztatuko du honako dokumentazioa:

• Ekonomia Jardueren gaineko Zergako salmenta ibiltariaren epigrafeko alta eta bajen ziurtagiria.
• Azokan parte hartzeagatik sortutako gastuen eta bermearen ordainagiriak ordaindu izanaren egiaztagiria.