Orrialdearen edukia ez dago indarrean.
BAT txartelak Gasteizko hiri barruko autobusean, tranbian eta Álavabus lineetan bidaiatzeko balio du. Bilbon (tranbia eta metroa) eta Donostia Busen (Dbus) ere erabil daiteke. BAT txartel mota guztiak eta ezaugarriak kontsultatu.
Autobus eta tranbia bidezko garraioa doakoa da 0-14 urte bitarteko haurrentzat (barne). Doan bidaiatzeko, autobusean BAT txartel pertsonalizatua izan behar da 5 urtetik aurrera, eta, tranbian, 6 urtetik aurrera. Txartela balidatu behar da bidaia baino lehen. Adin horretatik behera, gomendagarria da txartela izatea, bidaiaren egiaztagiria izateko eta, Tuvisaren kasuan, tiketik atera behar ez izateko eta zerbitzua arintzeko.
Familia ugarientzako BAT txartelaren eskaera. Txartel hori pertsonala eta besterenezina da, tranbian eta autobusean beherapenarekin bidaiatzeko; bidaia bakoitzaren aurretik balioztatu behar da.
TUVISAko autobusak erabiltzeko hobariak lortzea, % 33 eta % 64 bitarteko desgaitasuna izateagatik.
BAT txartel pertsonalizatuaren eskaera, gizarte-txartelaren onuradunentzat. BAT txartel honekin, erabiltzaileek hobaria dute bidaien prezioan, TUVISAko autobusetan.
BAT 30D GAZTEA garraio-txartela eskatzea. Txartel horrek tranbian zein TUVISAko autobusetan bidaiatzeko balio du eta, hileko tarifa baten truke, nahi beste bidaia egin daitezke eskuratzen den unetik hasita hogeita hamar egunez (ikusi tarifak).
Tranbia eta TUVISAko autobusak erabiltzeko hobariak lortzea, % 64ko gorako ezgaitasuna izateagatik.
BAT Berezi garraio txartel hobariduna eskatzea. Txartel horrek tranbian eta TUVISAko autobusetan bidaiatzeko balio du, eta txartelaren prezioan hobaria dauka.
Txartelak 3 euroko kostua du. Txartelaren kostua ez da txartelaren saldoaren barruan sartuko. Ordainketa honela egin daiteke:
BAT orokorra baduzu (argazkirik gabe), doan pertsonaliza dezakezu.
Galtzea: jada txartel pertsonalizatua baldin bazenuen eta galdu baldin baduzu, beste txartel bat eskatu behar duzu Tranbiaren Informazio Bulegoan. Ezin izango duzu Herritarren Arretarako Bulegoetan eskuratu.
