Orrialdearen edukia ez dago indarrean.
Hobariak eta salbuespenak Eraikuntza, Instalazio eta Obren gaineko Zergaren (EIOZ) kuotan.
2023tik aurrera emandako lizentzietarako, Babes ofizialeko etxebizitzak eraikitzeagatik zerga-kuotaren % 50eko hobaria aplikatuko da. 2023ko urtarrilaren 1a baino lehen emandako lizentziei % 32ko hobaria aplikatuko zaie.
EOIZren % 80ko hobaria aplikatuko da eraikinak egokitzeko egiten diren obretan, baldin eta irisgarritasun-zailtasunak dituzten pertsona taldeei bertara sartzea edo bertan bizitzea errazten bazaie horrekin, dela igogailuak instalatuz, dela ate eta sarrerak edo antzekoak aldatuz.
Eraikuntza, Instalazio eta Obren gaineko Zergan %65erainoko hobaria aplikatuko zaie enplegua sustatzeagatik, jarduera hasi eta gutxienez bi urtez lanpostuak sortu eta mantentzen dituzten enpresa edo autonomoei.
%80ko hobaria aplikatuko da obretarako eta etxebizitzetako instalazioetarako etxebizitzaren jabearen edo esleipendunaren errentak 3. Ordenantza Fiskalean agertzen diren kopuruak gainditzen ez dituenean (Kontsultatu Araudia atala).
% 85 eta % 90 arteko hobaria aplikatuko da EIOZren kuotan, Ordenantza Fiskalen 3 epigrafean agertzen diren diru-sarreren arabera.
Jarduera ekonomikoen bolumena (Jarduera Ekonomikoen gaineko Zergan (JEZ) zehazteko definituta dagoen moduan) 1.000.000 eurotik beherakoa duten jarduera ekonomikoek % 30eko hobaria izango dute, enpresa txiki eta ertainak babesteko irizpideen arabera.
Araudia nahikoa gaituz gero, %95eko hobaria emango da zergaren kuotan, Hezkuntza, Unibertsitate eta Ikerketa Sailak udalerriko ikastetxeetan egiten dituen eraikuntza, instalazio eta egokitzapen eta/edo eraikuntza obretan.
Etxebizitzetan energia-eraginkortasunaren etiketa lortzeko egiten diren birgaikuntza energetikoko obra eta instalazioak. Hobari horren helburua da tratamendu hobea ematea eraikinen energia-eraginkortasunaren ziurtagiria duten etxebizitzei.
Etxebizitzetan egiten diren obra eta instalazioak, horien helburua birgaikuntza energetikoa eta irisgarritasuna barne hartzen dituen birgaikuntza integrala bada.
Hiri-berroneratze integraleko obretarako hobaria, baldin eta auzoa eremu degradatu izendatu bada.
Hobari horren helburua da tratamendu hobea ematea energia berriztagarriak sartzeko asmoz auzoak modu integralean birgaitzeko egiten diren proiektuei.
Hobarien portzentaia Ordenantza Fiskalen 3 epigrafean jasota dago.
Eraikuntza, Instalazio eta Obren gaineko Zergan (EIOZ) dauden hobari ezberdinak ezin dira aldi berean aplikatu.
