Eskaera
Orrialdearen edukia ez dago indarrean.
Udal Erroldan alta ematea: Errekurtsoa
Udalak alta eskaera egin eta hiru hilabeteko epean jakinarazten ez badu, eskaera baiesten edo ezesten duen ebazpena, isiltasun positiboa izango du eta pertsona erroldatuta geratuko da ondorio guztietarako.
Inskripzioa ukatuz gero, udalak udal-erroldan alta ematea ukatzen duen ebazpena aurkaratu ahal izango da, Toki Araubidearen Oinarriak arautzen dituen apirilaren 2ko 7/1985 Legearen 52. artikuluan, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen VII. tituluko II. kapituluan eta Administrazioarekiko Auzien Jurisdikzioari buruzko uztailaren 13ko 29/1998 Legean ezarritako araubide orokorraren arabera.
Urte osoan irekita.
Tramitea telematikoki egin daiteke, erregistro elektronikoan eskatutako dokumentazioa aurkeztuz:
Identifikatzeko moduak: Ziurtagiria.
Tramitea aurrez aurre egin daiteke jarraian aipatutako bulegoetan. Kontsultatu ordutegia eta kokapena estekari jarraituz:
- Aldabeko Herritarrei Laguntzeko Bulegoa
- Ariznabarreko Herritarrei Laguntzeko Bulegoa
- Arriagako Herritarrei Laguntzeko Bulegoa
- Pilarreko Herritarrei Laguntzeko Bulegoa
- Hegoaldeko Herritarrei Laguntzeko Bulegoa
- Iparraldeko Herritarrei Laguntzeko Bulegoa
- Ibaiondoko Herritarrei Laguntzeko Bulegoa
- Judimendiko Herritarrei Laguntzeko Bulegoa
- Lakuako Herritarrei laguntzeko bulegoa
- Salburuko Herritarrei Laguntzeko Bulegoa
- San Antonioko Herritarrei Laguntzeko Bulegoa
- Zabalganako Herritarrei Laguntzeko Bulegoa
- San Martineko Udal bulegoak
Udalak bete ez duen betekizunaren berri emango dio eraginpeko pertsonari, eta espedientea ireki izanaren berri emango dio. Presuntzio horren aurka, pertsonak, adierazten den epean, gehienez ere hamabost egun eta gutxienez hamar, adierazi ahal izango du ados dagoen ala ez, eta egokitzat jotzen dituen dokumentuak eta justifikazioak alegatu eta aurkeztu ahal izango ditu.
- Ebazpena, 2020ko apirilaren 29koa, Idazkariordetzarena, zeinaren bidez argitaratzen baita Estatistikako Institutu Nazionalaren Lehendakaritzaren eta Autonomia Erkidegoekiko eta Toki Entitateekiko Lankidetzarako Zuzendaritza Nagusiaren 2020ko otsailaren 17ko Ebazpena, udalei udal-errolda kudeatzeko jarraibide teknikoak emateko ebazpena
- 39/2015 Legea, urriaren 1ekoa, Administrazio Publikoen Administrazio Prozedura Erkidearena
- 1690/1986 Errege dekretua, uztailaren 11koa, Toki Erakundeen Biztanleriari eta Lurralde Mugaketari buruzko Erregelamendua onartzen duen errege dekretua
- 7/1985 Legea, 7/1985 Legea, apirilaren 2koa, Toki Jaurbidearen Oinarriak arautzen dituena
- 16 eta 18 urte bitarteko pertsonek beren izenean jardun dezakete, edo ordezkatuta.
- Ordezkaritza bidez egin nahi diren 18 urtetik gorako pertsonen erroldatzeak zuzenean egin beharko dira Errolda eta Hauteskunde Atalean. Horretarako, hitzordua eskatu behar da ondorengo telefonoan: 945 16 11 06.
- Europar Batasuneko kide diren estatuetako herritartasuna dutenek botoa emateko asmoari buruzko agiria sinatu beharko dute.
- Etxebizitzaren jabeak egindako gela-kontratuarekin erroldatzeko, jabeak ere joan beharko du arreta-bulegora.
Informazio gehiago
Saila: Administrazioa Modernizatzea
Zerbitzua: Administrazioa Modernizatzeko sailaren Zuzendaritza Nagusia
Isiltasunaren ondorioa: Positiboa
Ebazteko epea: 3 hilabete
Tramiteari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.
Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke.