Jaiotzagatik alta ematea Udal Erroldan

• Jaiotzarengatiko alta eskatzea

• Jaiotza-ziurtagiria Erregistro Zibilak emana edo familia-liburuaren kopia.
• Indarrean dagoen guraso eskatzailearen jatorrizko identifikazio-agiria (NAN, pasaportea, NAN komunitarioa edo egoitza-baimena).

Adingabeak gurasoetako bakar batekin, bi guraso daudenean, erroldatzen diren kasuetarako dokumentazio gehigarria

Kode Zibilaren 154. artikuluan egindako lege-aldaketaren ondorioz, adingabeen egoitza guraso-ahalaren arabera zehaztuko da, eta ez zaintza eta jagoletzaren arabera. Beraz, aurkeztu beharreko dokumentazioa aldatu egiten da kasu hauen arabera:

• Bananduta ez dauden gurasoak edo epai judizialik gabe banandutako gurasoak edo Zaintza eta jagoletza esklusiboa gurasoetako baten alde zehazten duen epai judiziala duten gurasoak:: adingabea bere etxean erroldatuta duen gurasoak beste gurasoaren baimena aurkeztu beharko du. Baimen hori lortu ezin badu, epaitegian eskaera bat egin beharko du, adingabearen helbidea zehazteko eta eskaera horrekin Erroldako Unitate Teknikora joateko (aurretiaz hitzordua eskatuta).
• Zaintza eta jagoletza partekatua zehazten duen epai judiziala duten gurasoak: adingabea bere etxean erroldatuta duen gurasoak beste gurasoaren baimena aurkeztu beharko du, edo, bestela, adingabearen helbidea zehazten duen epai judiziala aurkeztu beharko du, eta epai hori emandako azkena dela dioen erantzukizunpeko adierazpena sinatu beharko du. Erantzukizunpeko adierazpen dokumentua Herritarrei Laguntzeko Bulegoan bertan eskatu daiteke.
• Guraso-ahal esklusiboa gurasoetako baten alde zehazten duen epai judiziala duten gurasoak: adingabea bere etxean erroldatuta duen gurasoak epai judiziala aurkeztu beharko du eta epai hori emandako azkena dela dioen erantzukizunpeko adierazpena sinatu beharko du. Erantzukizunpeko adierazpen dokumentua Herritarrei Laguntzeko Bulegoan bertan eskatu daiteke.

Emantzipatu gabeko adingabeak legezko tutoreak ez diren beste pertsona batzuekin erroldatzeko, bi gurasoen baimenak izan beharko da, eta Erroldako Unitate Teknikoarekin hitzordua eskatu beharko da.
Oharra: legezko edo borondatezko ordezkaritzaren bidez egin ahal izango da erroldatzea, baldin eta udalerrian bizitzeko baldintza betetzen bada eta Errolda Unitatean hitzordua hartuz bakarrik (945 16 11 06).