Vitoria-Gasteizko Udaletxean ezkontza zibila ospatzea: Eskaera

• Ezkontza zibilaren eskaera
• Ezkontza zibilak egitean konpainiako animaliak baimentzeko erantzukizunpekoadierazpena

Hartu gabeko egun eta orduen egutegia bi modutan kontsultatu daiteke: telefonoz (945 16 18 91 edo 945 16 13 19 zenbakietara deituta), edo posta elektronikoz, bodas-ezkontzak@vitoria-gasteiz.org helbidera idatzita.

Behin data kontsultatuta eta aukeratuta, erreserba egiteko eskaera-inprimakia aurkeztu behar da, bai eta ezkongaien NANen, AIZen edo pasaportearen kopia ere.

Ezkongaiek baimena eskatu ahal izango dute ezkontzan konpainiako animalia bakarra egoteko, baina Euskal Autonomia Erkidegoko Etxeko Animaliak Babesteko ekainaren 30eko 9/2022 Legearen eranskinaren A zatian jasota daudenetakoa izan behar du. Horretarako, baimen-eskaerarekin batera, erantzukizunpeko adierazpena aurkeztu beharko dute, espeziearen, arrazaren eta arriskugarritasunaren arabera titularrari eta animaliari eskatzen zaizkien legezko betebeharrak betetzeari buruz.

Dokumentazio gehigarria

Ezkontza baino hilabete lehenago, dokumentazio hau aurkeztu behar da:

• Lekuko izango diren pertsonen NANa.
• Ezkontzaren egunean Espainia plazara sartuko diren autoen matrikulak (gehienez 2).

Erregistro zibileko prozedura

Ezkongaiak arduratu behar dira, aurrerapen nahikoarekin, notario-aktaren instrukzioa edo Erregistro Zibileko dosierra izapidetzeaz, gaitasun-betekizunak betetzen dituztela eta eragozpenik ez dagoela edo lekapena dutela egiaztatzeko, Kode Zibilean aurreikusitakoaren arabera.

Ezingo da ezkontza-zeremoniarik egin ezkontza-data baino bost egun baliodun lehenago udalak erregistro zibilaren baimena jasotzen ez badu.