Eraikuntza, Instalazio eta Obren gaineko Zerga (EIOZ): Ordaindu beharreko zenbatekoaren kontsulta

Obra lizentzia eskatzen duen pertsonak edo enpresak ordaindu behar du. Lizentziarik gabe egindako obrak badira, egiten dituen pertsonak edo enpresak.

Eraikuntza, instalazio edo obra gauzatzeak duen kostu osoari zerga-tasa aplikatuz kalkulatzen da zerga; % 5,00ekoa da.

Eraikuntza, instalazioa edo obra bukatu ondoren lau hilabeteko epean, subjektu pasiboak egindako eraikuntza, instalazioa edo obren azken kostuaren aitorpena aurkeztu beharko du, eta horren arabera egingo da zergaren behin betiko likidazioa.

Obraren benetako kostua aldatu egin bada aurretiaz adierazitako kostuaren aldean, likidazio berria egingo da, edo behar den diru-sarreren itzulketa tramitatuko da.

Lizentziaren titularrak obrak, eraikuntzak edo instalazioak egiteari uko egiten badio, eta ukoa idatziz adierazten badu, Gasteizko Udalak egindako behin-behineko likidazioa itzuli edo baliogabetu egingo du.

% 85 eta % 90 arteko hobaria aplikatuko da, diru-sarreren arabera.

• Urteko errentak 18.000 eurotik gorakoak ez badira: % 85.
• Urteko errentak 8.000 eurotik gorakoak ez badira: % 90.

Etxebizitzaren jabe diren 65 urtetik gorako pertsonen bizigarritasun baldintzak hobetzea eta etxebizitza egokitzea (bainugela eta bizigarritasuna oro har) izango dute helburu egindako lanek.

EIOZren kuotan % 78 hobaria aplikatuko da eraikinak egokitzeko egiten diren obretan, baldin eta irisgarritasun-zailtasunak dituzten pertsona taldeei bertara sartzea edo bertan bizitzea errazten bazaie horrekin. Komuna eta igogailuak instalatzeko, ate eta sarrerak edo antzekoak aldatzeko izan daitezke lanak.

Ordaintezko bideak kontsultatu.

• Herritarrei Laguntzeko Bulegoetan.
• San Martineko Udal Bulegoetan.
• Internet bidez: Ordaindu izanaren egiaztagiria