Zaborren tasan hobariak: Familia ugarientzako hobaria

Hobaria familia ugarientzat hiri-hondakin solidoak biltzeko eta ezabatzeko zerbitzuaren tasan.

Laburpen-taula: Familia ugarientzako hobariak, 2026. urtean

Betebeharrak

Hobariaren xede den etxebizitzan erroldatuta egotea. Hobariak eta salbuespenak baliatzeko betebeharrak urtarrilaren 1ean bete behar dira.

Epea

Urte osoan irekita.

Tasa horri dagozkion hobariak 2026ko uztailaren 30era arte eska daitezke (egun hori barne). Ondoren aurkezten diren eskabideak hurrengo urteko ordainagirian aplikatuko dira. Hobariek ez dute atzera eraginik.

Dokumentazioa

  • Familia ugariaren agiriaren kopia.

Tramitea egiteko moduak

Online

Tramitea telematikoki egin daiteke, erregistro elektronikoan eskatutako dokumentazioa aurkeztuz:

Erregistro elektronikoa

  • Identifikatzeko moduak: Ziurtagiria.

Posta elektroniko bidez

Posta elektroniko bidez tramitea egiteko, idatzi ondoko helbidera: hacienda@vitoria-gasteiz.org

Zenbatekoa

Tasa Ordenantza Fiskalen 6.3 epigrafean jasota dago.

Ohiko galderak

Nola kalkulatzen da zabor tasaren kuota?

Tasaren kuota urtekoa da; Zenbatekoa higiezinaren erabileraren, azaleraren eta, hala badagokio, jardueraren arabera zehazten da.

Zabor tasaren titular gisa ageri den pertsona alda dezaket?

Ondasunaren titularra izango da beti zaborra biltzeagatik ordaindu beharreko tasaren titularra, beraz, Ondasun Higiezinen gaineko Zergan, kontribuzioan edo katastroan titular gisa ageri den pertsonari bidaliko zaio ordainagiria. Hala ere, beste pertsona baten banku kontuan helbideratu daiteke, maizterraren izenean esaterako, hark baimentzen badu.

Etxebizitza aurten saldu dut. Zabor tasa ordaindu beharra dut?

Bai. Tasa urtero ordaindu beharrekoa da, eta urtarrilaren 1ean igortzen zaio jabeari. Gainera, ordainagiria ezin da hainbanatu.

Non eta nola ordain dezaket iritsi berri zaidan ordainagiria?

Ordaintzeko bideak kontsultatu.

Tasa ordaindu izanaren egiaztagiria nahi badut edo ordainagiriren bat ordaindu gabe dudan jakin, nora jo dezaket?

Zer hobari daude zaborren tasan?

Hobari mota desberdinak daude:
- Errentaren araberako hobaria (hobari soziala).
- Birziklatze organikoagatiko hobaria.
- Familia ugarientzako hobaria.
- Guraso bakarreko familientzat familientzako hobaria.

Zabor-tasaren hobariei buruzko informazio gehiago.

Informazio gehiago

Ondasun Higiezinen gaineko Zerga, ibilgailuen gaineko zerga eta zaborren tasan hobaria eskatzeko, eskabide orokorreko inprimaki bakarrean egin daiteke. Eta, behin hobaria emandakoan, ez da beharrezkoa hurrengo urteetan eskatzea. Udalak automatikoki aplikatuko du, hura emateko baldintzek bere horretan jarraitzen badute.

Saila: Ogasuna

Zerbitzua: Zerga Kudeaketa

Isiltasunaren ondorioa: Ez du

Ebazteko epea: Aplikatzekoa den araudiaren arabera

Tramiteari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke.