Orrialdearen edukia ez dago indarrean.
Jarduera Ekonomikoen gaineko Zergari (JEZ) aplikatzen zaizkion hobariak eta salbuespenak.
Enplegua sortzeagatik Jarduera Ekonomikoen gaineko Zergan (JEZ) % 10etik % 40era arteko hobaria aplikatuko zaie hobaria aplikatu aurreko bi zergaldietan beren langile plantilla (lanaldi osoko mugarik gabeko kontratua dutenena) batez beste handitu egin duten subjektu pasiboei.
Zerga kuotaren %10eko hobaria aplikatuko zaie beren langileentzat garraio plan berriak ezartzen dituzten subjektu pasiboei, energiaren kontsumoa eta lanerako joan-etorriek sortutako emisioak murriztu eta garraiobide eraginkorragoak -garraio kolektiboa, esaterako- sustatzea dutelarik xede.
Jarduera Ekonomikoen gaineko Zergaren kuotaren % 10eko hobaria aplikatzen zaie beren ekoizpen prozesuetan dela energia berriztagarriak baliatzeko instalazioen bitartez dela kogenerazio sistemen bitartez sortutako energia baliatzen duten nahiz halako energiarik ekoizten duten subjektu pasiboei.
Jarduera Ekonomikoen gaineko Zerga (JEZ) ordaintzetik salbuetsita egongo dira beren jarduera hasten duten subjektu pasiboak, jarduera hori bideratzen deneko lehenengo bi zerga-ekitaldietan, ondorio horietarako araudian aurreikusitako kasuetako batean badaude.
2017tik aurrera, zerga ordaintzetik salbuetsita daude milioi bat eurotik beherako eragiketa-bolumena duten subjektu pasiboak, abenduaren 23ko 18/2016 foru-arauaren arabera (2016ko abenduaren 30eko ALHAO, 147. zk).
Ezintasun fisiko, psikiko edo sentsorialak dituzten pertsonen elkarte eta fundazioak zerga ordaintzetik salbuetsita egongo dira, baldin eta irabazi-asmorik gabekoak badira.
Ogasun Saileko Zergak Kudeatzeko Zerbitzuak postaz bidaliko dizu dagokion zenbatekoa jasotzen duen ordainagiria, tasa hori arautzen duen ordenantzaren arabera.
Tasa Ordenantza Fiskalen 5 epigrafean jasota dago.
