Orrialdearen edukia ez dago indarrean.
Eraikinen Azterketa Teknikoa (EAT) erregistratzeko eskaera
Eraikinen Azterketa Teknikoa (EAT) Udalean aurkeztea, EAEko erregistro bakarrean sar dadin. Eraiki zirenetik hona 50 urtetik gora dituzten eraikin guztiek eta baita (betetako urteez at) zaharberritzeko, energia eraginkortasunerako eta irisgarritasunerako diru-laguntza publikoak eskatzen dituztenek ere EAT eskuratu eta Udalean aurkeztu beharko dute, eta horrela, EAEko erregistro bakarrean sartuko dira.
2017ko ekainaren 28tik aurrera 50 urte bete dituzten bizitegi-erabilerarako eraikinek eta egun horretatik aurrera katalogatutako eraikinek Eraikinaren Azterketa Teknikoa (EAT) egin beharko dute urte bete pasa baino lehen:
- Eraikinak urte horiek betetzen dituenetik aurrera, bizilekuetarako eraikinen kasuan.
- Hala kalifikatzen dutenetik aurrera, katalogatzen badute.
Titularrek baliatu nahi duten laguntza publikoa eraikina mantentzeko, irisgarritasuna hobetzeko edo energia eraginkortasunerako lanak egiteko bada, Eraikinaren Azterketa Teknikoak eginda egon beharko du laguntzaren eskabidea formalizatu aurretik, erakinaren antzinatasuna edozein dela ere.
Urte osoan irekita.
Tramitea telematikoki egin daiteke, erregistro elektronikoan eskatutako dokumentazioa aurkeztuz:
Identifikatzeko moduak: Ziurtagiria.
Tramitea aurrez aurre egin daiteke jarraian aipatutako bulegoetan. Kontsultatu ordutegia eta kokapena estekari jarraituz:
- Zabalganeko Herritarrei Laguntzeko Bulegoa
- San Martineko eraikineko arreta-bulegoa - Beheko solairua
- Aldabeko Herritarrei Laguntzeko Bulegoa
- Ariznabarreko Herritarrei Laguntzeko Bulegoa
- Arriagako Herritarrei Laguntzeko Bulegoa
- Pilarreko Herritarrei Laguntzeko Bulegoa
- Hegoaldeko Herritarrei Laguntzeko Bulegoa
- Ibaiondoko Herritarrei Laguntzeko Bulegoa
- Iparraldeko Herritarrei Laguntzeko Bulegoa
- Judimendiko Herritarrei Laguntzeko Bulegoa
- Lakuako Herritarrei laguntzeko bulegoa
- Salburuko Herritarrei Laguntzeko Bulegoa
- San Antonioko Herritarrei Laguntzeko Bulegoa
- EAT aurkezten duenaren NAN/IFZ. Ordezkari bidez jardunez gero, horrez gain ordezpen-ahalmenaren egiaztagiria ere aurkeztu beharko da.
- 117/2018 Dekretua, uztailaren 24koa, Euskal Autonomia Erkidegoko eraikinen ikuskapen teknikoari buruzkoa
- 80/2014 Dekretua, maiatzaren 20koa, Euskal Autonomia Erkidegoko eraikinen ikuskapen teknikoa arautzen duen dekretua aldatzen duen dekretua
- 241/2012 Dekretua, azaroaren 21ekoa, Euskal Autonomia Erkidegoko eraikinen ikuskapen teknikoa arautzen duen dekretua
- Agindua, 2013ko urriaren 15koa, Enplegu eta Gizarte Politiketako sailburuarena, Euskal Autonomia Erkidegoko eraikinen azterketa teknikoa arautzen duen 2012ko azaroaren 21eko 2421/2012 Dekretuko II. eta III. eranskinak aldatzen dituen agindua
- 2/2006 Legea, ekainaren 30ekoa, lurzoruari eta hirigintzari buruzko Legea
- 39/2015 Legea, urriaren 1ekoa, Administrazio Publikoen Administrazio Prozedura Erkidearen legea
- Hauek baino ez daude baimenduta EAT egiteko: arkitektoak eta, arkitekto teknikoak eta aparejadoreak. Titulazio horietakoren bat duen pertsona oro gaituta dago zeregin horretarako. Gainera, ez dago profesionalen inongo erregistro ofizialik; beraz, jabeen komunitateak gehien komeni zaiona aukera dezake. Baimendutako pertsonak arduratuko dira EAT egiteaz, Eusko Jaurlaritzak finkatutako ereduari jarraituz.
- EATan finkatzen diren jarduerak egitera behartuta egongo dira jabeak, bertan ezartzen den moduan eta ematen den epean. Adierazitako epean jarduera horiek egin ondoren, Euskoregite-n Hutsen Zuzenketa Ziurtagiria aurkeztu ondoren sortzen den kodea aurkeztu behar da.
Informazio gehiago
Euskoregite atariak EAEko edozein etxebizitza-eraikini buruzko informazioa eskaintzen du: eraikuntza-urtea, EAT aurkezteko epea eta eraikinaren fitxa teknikoa.
Saila: Hiri Eredua, Hirigintza, Etxebizitza, Garbiketa eta Ingurumena
Zerbitzua: Eraikuntzak
Ebazteko epea: Aplikatzekoa den araudiaren arabera
Tramiteari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.
Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke.