Andre Maria Zuriaren jaietan barrakak, atrakzioak, feriako postuak, makina saltzaileak eta zirku bat jartzeko deialdia

Oinarrietan esleipenerako irizpide ekonomikoak kontsultatu.

Fidantza

Esleipendunek fidantza bat jarri beharko dute elementu bakoitzerako baimenaren iraunaldi guztia barne hartu behar du, gerta daitekeen hainbat egoerari erantzuteko: bide publikoan kalterik egitea, garbitzeko betebeharra ez betetzea edo legez eska daitekeen beste edozein obligazio ez betetzea:

• 2.000,00 euro zirkuagatik.
• 600,00 euro helduentzako aparatuengatik.
• 450,00 euro ikuskizun, taberna eta txurro-dendengatik.
• 450,00 euro tonbolengatik.
• 300,00 euro haurrentzako aparatuengatik.
• 150,00 euro etxola eta produktuak saltzeko makina bakoitzagatik.

Tasa zein bermea esleipen-ebazpenean adierazitako epean ordaindu beharko dira.

Hobariak

Erregututako hobari bat eman ahal izango zaie subjektu pasiboei, tasen zenbatekoaren ehuneko 90era artekoa, baldin eta onura publikokotzat deklaratutako erakundeak direlako inguruabar subjektiboak gertatzen badira edo erakunde horietan gizarte- eta udal-intereseko baldintzak justifikatzen badira, horri buruz egindako txostenaren arabera. Era berean, toki-araubideari buruzko oinarrizko legeriaren arabera eskumena duen organoak hala xedatuta, aldez aurretik eskaera eta txosten-proposamen arrazoitua eginda, tasatik salbuetsi ahal izango dira gizarte-, azoka-, kultura- edo kirol-ezaugarri bereziak izateagatik hiriarentzat eta/edo biztanleentzat interes handikotzat jotzen diren ekitaldi edo ekitaldiak. Hobaria edo salbuespena eskabide-orrian eskatu beharko da.