Garraiorako dirulaguntza, Udalaren hezkuntza-programetan parte hartzen duten ikastetxeentzako

Dirulaguntza honen bidez, garraiorako dirulaguntza jasotzen dute ikastetxeek, Hezkuntza Zerbitzuak eta Ingurugiro Gaietarako Ikastegiak (CEA) antolatutako hezkuntza-jarduetara joateko.

Epea | Betebeharrak | Dokumentazioa | Araudia | Izapidetzea

Nork

Haur Hezkuntzako bigarren zikloa eta Derrigorrezko Hezkuntza duten Gasteizko ikastetxeak.

Epea

2022- 2023 ikasturtea: deialdi hau Arabako Lurralde Historikoko Aldizkari Ofizialean (aurrerantzean, ALHAO) argitaratzen den egunaren biharamunetik hasi eta 2023ko ekainaren 16ra arte.

Bebeharrak

  • Haur Hezkuntzako bigarren zikloa eta Derrigorrezko Hezkuntza duten Gasteizko ikastetxe izatea.
  • Gasteizko Udaleko Hezkuntza Zerbitzuak edota Ingurugiro Gaietarako Ikastegiak antolatutako hezkuntza-programetako batean parte hartu izana eta, horietan parte hartzeko, garraiobide kolektiboren bat erabili izana: bai autobus publikoa edo tranbia, bai ikastetxeak berak kontratatutako garraiobide kolektiboa.

Dokumentazioa

  • Dirulaguntzaren eskabidea pdf, zuzendariak sinatuta.
  • Diruz lagundu daitekeen gastuaren justifikazioa: hau da aurkeztu beharreko dokumentazioa:
    • Memoriaren eranskina pdf, 2022-2023 ikasturtean izan diren garraio-zerbitzuak zehazten dituena, baldin eta Gasteizko Udaleko Hezkuntza Zerbitzuak edota Ingurugiro Gaietarako Ikastegiak antolatutako hezkuntza-programetan parte hartzeko ikastetxeko ikasleek garraio horiek erabili behar izan badituzte.
    • Justifikazio-kontua (1J eranskina) pdf, diruz lagundu daitezkeen garraio-gastu guztien zerrendari dagokiona, lotuta dauden jardueretan parte hartzeak eragindako guztizko gastuen arabera.
    • Erabilitako garraio-zerbitzuari dagozkion jatorrizko fakturak eta faktura horien ordainagiriak. Garraio kolektibo publikoa erabili bada, egindako gastua xede horretarako jaulkitako txartelen bidez justifikatu ahal izango da. Guztiek egun eta ordu berean emandakoak izan behar dute, eta hezkuntza-programara joateko egindako ibilbidearekin eta hari dagokion egunarekin bat etorri behar dute.
  • Hezkuntza Zerbitzuan dirulaguntzaren eskaera lehenengo aldiz aurkezten denean edo datuak aldatzen direnean, honako agiri hauek ere aurkeztu beharko dira:
    • Identifikazio fiskaleko txartelaren fotokopia.
    • Banku-erakundeak emandako ziurtagiri eguneratua; agiri horretan, kontu-zenbakia eta kontuaren titularra agertuko dira, kontuan hartuta, betiere, ikastetxeak izan behar duela titularra.

Araudia

Izapidetzea

Aurrez aurre

Herritarrei Laguntzeko Bulegoetan

Online

Erregistro elektronikoaren bidez.

Eskaera online egiteko, ziurtagiri digitala behar da. Igotzen diren dokumentuak PDF formatuan egon behar dira, eta dokumentu horien izenak 64 karaktere izan ditzake gehienez.

Erregistro elektronikorako urratsak:

  • Datu pertsonalak.
  • Eskabide-orria: gehieneko tamaina, 1 MB. Tamaina handiagoa duen agiri bat sartzen bada, sistemak errorea emango du prozesua amaitzean. Zure inprimakiak tamaina hori gainditzen badu, hurrengo urratsera igaro ("Agiri osagarriak" urratsa).
  • Agiri osagarriak: dokumentu bakoitzaren gehieneko tamaina, 50 MB.Sinatu eta erregistratu.

Oharrak

Deialdi honen esparruan dirulaguntza eskatzeko interesa duten ikastetxeei informazioa eta aholkua emango die Hezkuntza Zerbitzuak. Kontsultak egiteko, bide hauek erabil daitezke: Maite Viteri mviteri@vitoria-gasteiz.org 945 16 12 15 edo hezkuntza@vitoria-gasteiz.org 945 16 12 30.

Halaber, Herritarrei Laguntzeko Bulegoetara jo dezakezu, edo 010 informazio-telefonora deitu (945 16 11 00).

39/2015 Legea, urriaren 1ekoa, Administrazio Publikoen Administrazio Prozedura Erkidearena, 16.4. artikuluan ezarritako moduan bidali ahalko dira agiriak: aurrez aurre, legeak xedatutako bulego eta erregistroetako edozeinetan, edo posta bulegoen bidez.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke, zeinen helburua baita webgune honetan eta beraren edozein azpidomeinu, mikrosite edo aplikazio mugikorretan, bai offline bai online jasotzen diren datu pertsonalen bilketa eta tratamendua arautzen duten baldintzak ezagutaraztea.