Gardelegiko zabortegia erabiltzeko baimena

Ingurumenaren eta Espazio Publikoaren Sailaren onartze-agiria lortzea, Araban sortutako hondakin geldoak eta arriskutsuak ez direnak Gardelegiko zabortegian utzi ahal izateko.
Zabortegi Zerbitzuaren Araudian zehazten da Gardelegin utz daitezkeen hondakinen sailkapena.

Dokumentazioa | Araudia | Izapidetzea

Nork

  • Araba lurralde historikoko udal, mankomunitate, kontsortzio eta koadrilek.
  • Araba lurralde historikoan kokatuta dauden eta hondakinak sortzen dituzten pertsona fisiko nahiz juridikoek.
  • Trebiñuko Konderriko udalek, aldez aurretik Gasteizko Udalarekin hitzarmena egin baldin badute.

Dokumentazioa

Hondakinaren onartze agiria lortzeko
  • Gardelegiko zabortegian hondakinak onartzeko eskabidea bide telematikoz aurkeztu beharko da, IKS-eeM aplikazioa baliatuz Ingurumen Informazioa Kudeatzeko Sistema Integralean.
    Aplikazioa erabiltzeko ezinbestekoa da Izenpe(Beste leiho batean irekiko da) txartel edukitzea. Aplikazioari buruz zalantzarik izanez gero, IKS-eeM sistemako teknikariengana jo daiteke, Eusko Jaurlaritzako 945018000 telefonora deituz.
  • Bestetik, datu hauek bidali beharko dira gardelegui@vitoria-gasteiz.org helbide elektronikora:
    • Hondakinaren deskribapena eta argazkiak.
    • Behar denean, hondakinaren ezaugarri analitikoak, indarreko arauei jarraituz.
    • Tasak helbideratzeko kontu zenbakia.
Hondakina utzi aurretik
  • Jarraipen eta kontrol agiria bete beharko da, IKS-eeM aplikazioa baliatuz Ingurumen Informazioa Kudeatzeko Sistema Integralean.

Izapidea ondo kudeatu ahal izateko, izapidea egiten duen unitateak eskubide du beste edozein agiri osagarri eskatzea.

Zenbatekoa

Araudia

Izapidetzea

  • Baimena zein jarraipen eta kontrol agiriak aurkezteko IKS-eeM online aplikazioa Ingurumen Informazioa Kudeatzeko Sistema Integralean baliatu behar da.
  • Agiri osagarriak gardelegui@vitoria-gasteiz.org helbide elektronikoaren bidez aurkeztuko dira.

Oharrak

  • Eraikuntza eta eraispenetako hondakinak ezin dira Gardelegiko zabortegian utzi. Eraikuntza eta eraispenetako hondakinak tratatzeko lantegian kudeatu behar dira, zeina Gardelegiko zabortegiaren instalazioen sarreran baitago.
  • Ontziak eta bilgarriak ezin dira Gardelegiko zabortegian utzi; baimendutako kudeatzaileen esku utzi beharko dira.

Izapideari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.

Agiriak 39/2015 Legea, urriaren 1ekoa, Administrazio Publikoen Administrazio Prozedura Erkidearena, 16.4. artikuluan ezarritako moduan bidali ahalko dira: aurrez aurre, legeak xedatutako bulego eta erregistroetako edozeinetan, edo posta bulegoen bidez.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke, zeinen helburua baita webgune honetan eta beraren edozein azpidomeinu, mikrosite edo aplikazio mugikorretan, bai offline bai online jasotzen diren datu pertsonalen bilketa eta tratamendua arautzen duten baldintzak ezagutaraztea.