Proiektu artistikoak hautatzeko deialdia
Sorkuntza artistikoaren alorreko gehienez lau arte sorkuntzako proiektu hautatuko dira, Montehermoso kulturunean 2024. urtean aurkezteko.
Epea | Betebeharrak | Dokumentazioa | Araudia | Izapidetzea
Epea
2023ko apirilaren 14ra arte.
Betebeharrak
- Jarduteko erabateko gaitasuna duten eta sektore publikoarekin kontratatzeko debekurik ez duten artistek, erakundeek nahiz elkarteek aurkeztu ahal izango dituzte proiektuak.
- Proiektuek argitaratu gabeak izan beharko dute, eta Montehermoso kulturunean aurkeztu beharko dira, aurrerago adierazten den epean.
- Udalarekin inolako zorrik ez izatea, halaber zerga-betebeharrak eta Gizarte Segurantzari ordaindu beharrekoak ordainduta izatea.
Dokumentazioa
- Eskabidea
- Eskatzaileak zerga-betebeharrak eta Gizarte Segurantzari ordaindu beharrekoak ordaindu dituela eta sektore publikoarekin kontratatzeko debekuaren mende ez dagoela jasotzen duen erantzukizunpeko aitorpena.
- Proiektuaren titularraren nortasun-agiriaren edo agiri baliokidearen fotokopia.
- Proiektuaren titular den pertsona edo entitatearen ibilbidea edo curriculuma.
- Beste batzuekin batera aurkeztuz gero, entitatearen nahiz haren ordezkariaren ibilbide edo curriculumaz eta datuez gain, harekin batera parte hartzen duten agenteen gaineko informazio osoa ere aurkeztu beharko da.
- Proiektuaren dosierra, hauexek biltzen dituena:
- Proiektuaren izenburua eta garapena.
- Behar teknikoak.
- Gauzatzeko egutegia.
- Gutxi gorabeherako aurrekontu banakatua, finantziazio propioa izan lezaketen kontzeptuak zehazten direlarik.
Araudia
2023. urtean proiektu artistikoak ekoitzi eta Montehermoso kulturunean aurkezteko deialdia
Izapidetzea
Zuzeneko izapidetzea
Herritarrei Laguntzeko Bulegoetan
Dokumentazio digitala aurkeztea.
Online izapidetzea
Erregistro elektronikoaren bidez.
Izapidetzeko ziurtagiri digital batez konektatu behar da. Aurkezten diren agiriek PDF formatua izan behar dute, eta izenak 64 karaktere baino gutxiago eduki.
Erregistro elektronikoko morroiaren urratsak:
- Datu pertsonalak.
- Eskabide-orria: gehieneko tamaina, 1 MB. Tamaina handiagoa duen agiri bat sartzen bada, sistemak errorea emango du prozesua amaitzean. Zure inprimakiak tamaina hori gainditzen badu, hurrengo urratsera igaro.
- Agiri osagarriak: dokumentu bakoitzaren gehieneko tamaina, 50 MB.
- Sinatu eta erregistratu.
Oharrak
- Erabakiaren berri jakinarazi ondoren, hautatu gabeko proiektuak itzuli egingo dira eskatzaileak hala eskatuz gero, 30 egun naturaleko epean itzuli ere. Denbora hori igarotzen delarik, gainerako proiektuak txikitu egingo dira.
- Argibideak Proiektu artistikoak. 2023ko deialdia (montehermoso.net)
Izapideari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.
39/2015 Legea, urriaren 1ekoa, Administrazio Publikoen Administrazio Prozedura Erkidearena, 16.4. artikuluan ezarritako moduan bidali ahalko dira agiriak: aurrez aurre, legeak xedatutako bulego eta erregistroetako edozeinetan, edo posta bulegoen bidez.
Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke, zeinen helburua baita webgune honetan eta beraren edozein azpidomeinu, mikrosite edo aplikazio mugikorretan, bai offline bai online jasotzen diren datu pertsonalen bilketa eta tratamendua arautzen duten baldintzak ezagutaraztea.