Hilobi-eraikinak erabiltzeko eskubidea itzultzea edo hari uko egitea

Izapide honek hilobi, nitxo, kolunbario edo panteoia erabiltzeko eskubidea udalari itzultzea du xede. Hilobi-eraikin horien erabilera-eskubidea ezin da partikularren artean saldu.

Bi modalitate daude:

Itzultzea (panteoientzat ez da onartzen)

Udalak eraikina erabiltzeko eskubidea berreskuratzen du diru-kopuru baten truke (7.10 D ordenantza fiskalean jasotako kalkuluaren araberakoa). Hilobi-eraikina aldatua izan bada, lizentziari jarraiki aldatua izan behar da.

Hilobi-eraikinak gorpuzkirik gabe egon behar du udalari izapidetzen hasteko eskatu aurretik. Gorpuzkirik badago, beste hilobi batera eraman edo errausketa-labean erraustu behar dira. Bi kasuetan, aldez aurretik ehorztetxe batek esku hartu behar du.

Uko egitea (doako kudeaketa)

Udalak inolako diru-ekarpenik egin gabe berreskuratzen du hilobi-eraikina.

Toki erakundeak ukoa onartu ondoren, eraikinean gorpuzkirik badago hezurtegi komunean gordeko dira, legezko epeak beteta.

Dokumentazioa | Araudia | Zenbatekoa | Izapidetzea

Nork

Hileta-eskubideen titularrak edo ordezkariak.

Dokumentazioa

Araudia

Zenbatekoa

7.10 Hilerrian Eraikuntzak Uzteko Tasa Arautzen duen Ordenantza.

Ohiko galderak

Hilerriak eta ehorzte-eskubideak kudeatzeari buruzko ohiko galderak.

Izapidetzea

Zuzeneko izapidetzea

San Martineko bulegoetan.

Oharrak

Azalpen gehiago nahi izanez gero, herritarrei laguntzeko bulegoetan, San Martineko bulegoetan, eta 010 argibideetarako telefonoan edo 945161100 telefonoan.

Agiriak 39/2015 Legea, urriaren 1ekoa, Administrazio Publikoen Administrazio Prozedura Erkidearena, 16.4. artikuluan ezarritako moduan bidali ahalko dira: aurrez aurre, legeak xedatutako bulego eta erregistroetako edozeinetan, edo posta bulegoen bidez.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke, zeinen helburua baita webgune honetan eta beraren edozein azpidomeinu, mikrosite edo aplikazio mugikorretan, bai offline bai online jasotzen diren datu pertsonalen bilketa eta tratamendua arautzen duten baldintzak ezagutaraztea.