Udalbatzaren osoko bilkuretan herritarren txandan parte hartzeko eskabideak

Osoko bilkuretako herri-txanda erabiliz helaraz diezaiokete erakundeek beren iritzia Udalari. Horri esker, zuzenean hitz egin dezakete hiriko arduradun politikoekin.

Nork | Dokumentazioa | Epea | Araudia | Tramitatzea

Nork

  • Eskubide hori erabili ahal izateko, dagozkien erregistroan inskribaturik egon behar dute kolektiboek. Horrela, Osoko bilkuran azalpenak egin ditzakete, gai-zerrendako punturen batekin lotutako azalpenak, hain zuzen ere, baldin eta puntu horren prozeduran interesdun gisa parte hartu badute.
  • Lau hilean behin aparteko osoko bilkurak deitu ahalko dira, Herritar Erakundeen dagozkien erregistroan izena emanda duten herritar erakundeen ekimenez haientzat interesgarriak diren gaiak aztertzeko, boto eskubidea duten herritarren ehuneko baten sinaduren abala badute.

Dokumentazioa

  • Eskaera orria.
  • Izenpetzen dituztenen identifikazio pertsonala jaso beharko dute beti ere, baita harremanetarako telefono edo helbide elektroniko bat ere.
  • Orobat adierazi beharko da Udalbatzaren bilkuran hitz egingo duenaren izena.

Epea

  • Parte hartzea eskatzen den Udalbatzaren bilkuraren gai-zerrendaren inguruan udal taldeei entzuteko deitzen den Eledunen Batzarra egiten den eguneko 12:00ak baino lehenago.

Araudia

Tramitatzea

Zuzeneko tramitatzea

Udalbatzaren Idazkaritza.

Oharrak

  • Vitoria-Gasteizko Udalak udal hedabideetan argitaratuko ditu, garaiz, udalbatzaren batzordeen eta udalbatzaren beraren bilkuren gai zerrendak. (Herritarren Parte-hartzearen Araudiaren 45. artikulua).
  • Ohiko zein aparteko osoko bilkura izan, Eledunen Batzarrak aztertuko ditu gaiak gai-zerrendan sartu aurretik, eta arrazoiak azalduz bazter utzi ahalko ditu baldin eta gaia aurreko bilkuraren batean dagoeneko aztertu dela eta ez dagoela berriro eztabaidatzeko osagai berririk uste badu. (Udalbatzaren Araudi Organikoaren 36 artikulua).


Izapideari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.

Agiriak 39/2015 Legea, urriaren 1ekoa, Administrazio Publikoen Administrazio Prozedura Erkidearena, 16.4. artikuluan ezarritako moduan bidali ahalko dira: aurrez aurre, legeak xedatutako bulego eta erregistroetako edozeinetan, edo posta bulegoen bidez.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke, zeinen helburua baita webgune honetan eta beraren edozein azpidomeinu, mikrosite edo aplikazio mugikorretan, bai offline bai online jasotzen diren datu pertsonalen bilketa eta tratamendua arautzen duten baldintzak ezagutaraztea.