BAT pertsonalizatutako garraio txartela, % 33 eta % 64 bitarteko desgaitasuna duten pertsonentzat

TUVISAko autobusak erabiltzeko hobariak lortzea, % 33 eta % 64 bitarteko desgaitasuna izateagatik.

Betebeharrak | Dokumentzioa | Zenbatekoa | Izapidetzea

Betebeharrak

  • Lokomozio-aparatuan mugikortasuna eragozten duen desgaitasuna izatea, % 33 eta %64 artekoa.
  • Gasteizko udalerrian erroldatuta egotea.
  • Bono-taxi programako laguntzarik ez jasotzea.
  • Efektu Anitzeko Errenten Adierazle Publikoa (IAEAP(Beste leiho batean irekiko da)) halako 2,5 baino gutxiagoko diru-sarrerak edukitzea. Hots, 18.000,00 eurotik beherakoak (2024ko zenbatekoa).

Dokumentazioa

  • Nortasun agiriaren, pasaportearen edo atzerritarren identifikazio zenbakiaren (AIZ) jatorrizkoa.
  • Agiri tamainako argazki bat, garaikoa. Nahi izanez gero, bulegoan bertan egin daiteke.
  • Txartelagatik ordaindu duzula ziurtatzen duen agiria. Ordaintzeko unean eskuratu dezakezu agiria, Herritarrei Laguntzeko Bulegoan bertan, tranbiaren makinetan edo hitzartutako banku batean.
  • % 33 eta % 64 arteko desgaitasun maila egiaztatzen duen ziurtagiriaren jatorrizkoa. Ziurtagirian mugikortasun-arazoen ebaluazioa agertu behar da, ondorengo moduren batean:
    • %20ko edo hortik gorako mugikortasun arazoak izatea, 882/2022 Errege Dekretuak ezarritakoaren arabera.
    • Gutxienez 5 puntu edo gehiago izatea, 1971/1999 Errege Dekretuaren 3. eranskinean ezarritako baremoaren arabera.
    • A,B edo C letretan egotea, 1971/1999 Errege Dekretuaren 3. eranskinean ezarritako baremoaren arabera.

Edo desgaitasun txartela, aurretik azaldutakoa jasotzen duena.

  • Erantzukizunpeko aitorpena pdf Bono taxi programan laguntzarik jasotzen ez duzula markatu behar da. Aitzitik, IPREMari buruzko eremua bakarrik markatu beharko dute beren diru-sarrerak justifikatu ezin dituzten pertsonek, hots, errenta aitorpenik egiten ez dutenek edo salbuespen-ziurtagiririk aurkezten ez dutenek.
  • Diru-sarreren egiaztagiria:
    • Errenta aitorpena egiten baduzu, azken ekitaldiko aitorpenaren jatorrizkoa eta kopia.
    • Errenta aitorpena egiten ez baduzu: azken urteko diru-sarrerak zehazten duen salbuespen ziurtagiria, Ogasunak emana.
    • Ez baduzu errenta aitorpenik egiten edo ezin baduzu salbuespen-ziurtagiririk aurkeztu, IPREMari buruzko laukitxoa markatu behar duzu erantzukizunpeko aitorpenean pdf

Izapidea ondo kudeatu ahal izateko, izapidea egiten duen unitateak eskubide du beste edozein agiri osagarri eskatzea.

Zenbatekoa

Txartela eskuratzeagatik 3 euro. Ordainketa honela egin ahal da:

  • Herritarrei laguntzeko bulegoetan, kreditu edo zordunketa txartelaren bidez.
  • Hitzartutako banku erakundeetan, ordainagiria herritarrei laguntzeko bulegoetan eskatu beharko da.
  • Tranbiaren geltokietako txartel makinetan, ordainketa-egiaztagiria beharrezkoa izango da.

Zenbateko hori ez da txartelaren saldoaren barruan sartuko.

Izapidetzea

Zuzeneko izapidetzea

Oharrak

Izapideari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.

Agiriak Herri Administrazioen Araubide Juridikoaren eta Administrazioa Prozedura Erkidearen Legearen 38.4 artikuluan ezarritako moduan bidali ahalko dira: aurrez aurre, legeak xedatutako bulego eta erregistroetako edozeinetan, edo posta bulegoen bidez.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke, zeinen helburua baita webgune honetan eta beraren edozein azpidomeinu, mikrosite edo aplikazio mugikorretan, bai offline bai online jasotzen diren datu pertsonalen bilketa eta tratamendua arautzen duten baldintzak ezagutaraztea.