Euskara ikasteko dirulaguntzak

Euskara ikasteko laguntzak ematea.

Epea | Betebeharrak | Dokumentazioa | Araudia | Izapidetzea

Diruz lagunduko diren ikastaroak

HABEk onartutako euskaltegiek emandakoak izango dira, 2023-2024 ikasturtekoak eta 2023ko ekainean hasi eta uztailean amaitutakoak. Gutxienez 80 orduko iraupena izan beharko dute.

Ez dira onartuko Udalak berak anotalutakoak, ezta Hizkuntza Eskola Ofizialekoak ere.

Eskaera aurkezteko epea

Epea: 2024ko maiatzaren 9tik ekainaren 30era arte. (ALHAO 51zk 2024ko maitzaren 8a)(Beste leiho batean irekiko da)

Baldintza orokorrak

  • 16 urte baino gehiago izatea.
  • Gasteizko udalerrian erroldatuta egotea 2023ko uztailaren 1etik eta ikastaroak dirauen bitartean.
  • Ikastaro bakoitzean, gutxienez % 80ko bertaratzea.

Programa arruntari dagokion eskakizuna

Herritarrei, oro har, zuzendua.

Berariazko programari dagozkion eskakizunak

Honako hauei zuzendutakoa: gurasoak; aisialdiko begirale eta zuzendariak; jantokietako eta autobuseko begiraleak; eskola-kiroleko zuzendariak; epaile, entrenatzaile edo begiraleak eta horretarako ikasketak egiten ari direnak, eta hiriko merkataritzako edo ostalaritzako langileak. Eskakizun hauetakoren bat bete beharko dute:

  • 2012etik aurrera (urte hori barne) jaiotako haur baten aita, ama edo tutorea izatea.
  • 2023-2024 ikasturtean aisialdiko begirale edo zuzendari, jantokietako edo autobusetako begiraleak edo eskola kiroleko entrenatzaile, begirale edo zuzendari gisa lanean jardutea.
  • Aipatutako titulazioetako ikasketak egiten aritzea 2023-2024 ikasturtean.
  • 2023-2024 Ikasturtean hiriko merkataritzako edo ostalaritzako langilea izatea.

Dokumentazioa

Dokumentazio orokorra

  • Eskabide-orria pdf
  • Egindako banku-ordainketa guztien ordainagiriak.
  • Beste erakunde batzuei helburu bererako eskatutako dirulaguntzei buruzko aitorpena, edo, eskuratu badira, horien zenbatekoari buruzkoa.

Berariazko programarako aurkeztu behar diren agiriak

Dokumentazio orokorraz gain:

  • Gurasoentzako programaren barruan aurkezten badute eskabidea, familia-liburuaren fotokopia edo, 2021eko maiatzetik aurrera, Erregistro Zibilak igorritako dagokion agiria.
  • Begirale, entrenatzaile, arbitro edo aisialdiko zuzendariak eta ikasketa horiek egiten ari direnak: lan-ziurtagiria edo matrikula-ziurtagiria.
  • Merkataritza- eta ostalaritza-establezimendu bateko langileak: kontratua edo ziurtagiria.

Araudia

Izapidetzea

Zuzeneko izapidetzea

Herritarrei Laguntzeko Bulegoetan

San Martineko Udal Bulegoan

Online izapidetzea

Erregistro elektronikoaren bidez.

Izapidetzeko ziurtagiri digital batez konektatu behar da. Aurkezten diren agiriek PDF formatua izan behar dute, eta izenak 64 karaktere baino gutxiago eduki.

Erregistro elektronikoko morroiaren urratsak:

  • Datu pertsonalak.
  • Eskabide-orria: gehieneko tamaina, 1 MB. Tamaina handiagoa duen agiri bat sartzen bada, sistemak errorea emango du prozesua amaitzean. Zure inprimakiak tamaina hori gainditzen badu, hurrengo urratsera igaro.
  • Agiri osagarriak: dokumentu bakoitzaren gehieneko tamaina, 50 MB.
  • Sinatu eta erregistratu.

Oharrak

Izapideari buruzko edozein zalantza argitzeko Herritarrei Laguntzeko Bulegoetara jo dezakezu. Bestela, 010 informazio telefonora (945 16 11 00) deitu.

Agiriak 39/2015 Legea, urriaren 1ekoa, Administrazio Publikoen Administrazio Prozedura Erkidearena, 16.4. artikuluan ezarritako moduan bidali ahalko dira: aurrez aurre, legeak xedatutako bulego eta erregistroetako edozeinetan, edo posta bulegoen bidez.

Datuen Babesaren Araudi Orokorra betetze aldera, Gasteizko Udalaren pribatutasun-politika kontsulta daiteke, zeinen helburua baita webgune honetan eta beraren edozein azpidomeinu, mikrosite edo aplikazio mugikorretan, bai offline bai online jasotzen diren datu pertsonalen bilketa eta tratamendua arautzen duten baldintzak ezagutaraztea.